果日放學去公園仔玩，
諗住有蚊就即刻走。
越０岩唯一的韆鞦有兩個哥哥玩緊，
小笨等左好一陣，
笨媽唯有出手：
「哥哥，你地玩多一陣就到我地啦喎，好唔好？」
兩個哥哥（我估小四左右啦）好乖，
即刻落黎、仲走埋添，
（鬼咩，有亞媽出頭喎，仲唔驚！）
笨媽就同小笨講：
「你睇兩個哥哥幾乖，知你細個，讓你玩，你第日都要讓小朋友呀。」
小笨話：「我會讓小朋友，我第日K2就唔黎呢度玩０架啦！」
笨媽：「係咩？咁你第日去邊度玩、邊度做運動呀？」
小笨十分理所當然咁話：「Playtown囉，乜你唔知咩？！」
笨媽：「．．．．．」
小笨十分期待笨次郎的出生，
即使尚未成形，小笨姐姐已經對笨次郎有十分深厚的感情，
若干事例相當攪笑，聊記如下：
事例一
笨媽：如果你專登曳，我就打你pat！
小笨：如果笨次郎專登曳，我都唔會打佢pat，我會教返佢乖～
事例二
笨媽與小笨追巴士，小笨突然回頭對笨媽的肚皮講：
笨次郎，堅持住呀！
語氣相當慷慨激昂．．．
事例三
笨媽答應會帶小笨去一次產檢，等佢可以睇下笨次郎個樣樣，
小笨十分雀躍：好呀！我幫笨次郎影相丫，我揭起媽媽個肚肚，咁樣咁樣，幫笨次郎影好多好多相０既！
事例四
笨媽朝早又賴床唔肯起身，小笨要拉笨媽起身，咁，就要騎響笨媽個肚上面，
估唔到小笨騎之前，向笨媽個肚皮話：笨次郎，你忍住先呀０下！
事例五
平日成日扭抱的小笨，有一次竟然響笨媽抱佢痾尿尿時扮曬野，
死都唔肯被笨媽抱，仲話：我驚壓扁笨次郎呀！
（之後當然係會繼續扭抱啦．．．）
此外，小笨仲成日玩玩下會同笨次郎講野，
比如：
笨次郎，你睇下我～
笨次郎，你估邊個響出面？
最攪笑係，小笨知道有BB個肚會變大，
於是成日形住笨媽個肚變大，
無端端訓醒都會問：媽媽，點解你個肚肚咁大０既？
笨媽當然誠實咁回答：媽媽肥肥丫嘛～
估唔到小笨十分緊張，即刻話：唔係呀，因為你有左BB呀！
笑死人！
希望小笨同笨次郎的感情，
將來都真係可以咁好啦～～
最好就好似飯母同笨媽咁～～～
呵呵呵～～～
平日小笨放學後，都會去公園打下韆鞦玩下，當係做下運動咁，
典知上星期，個公園仔突然好多蚊喎，
第一次以為因為小笨食緊「珍寶珠」所以惹蚊啦，
但係第二次無食、仲貼曬蛟貼，都咬喎，
仲要係我同小笨都俾蚊追住咬，
隻可惡生物仲要咬正蚊貼左緊，
吹賬，即係擺明落我面０者！
我同小笨又衰，皮膚好敏感，
一被蚊咬就腫到豬頭咁，
兩日都玩左無五分鐘就落荒而途，
非常無癮之餘仲要每次都花三四日至消腫，
都咪話唔掃興兼狼狽！
夏天０岩０岩開始０乍喎，
無理由以後都無得去公園玩同做運動０架．．．
典算好呢？
結果笨媽我最終向Playtown屈服左，
買左 monthly pass 俾小笨，
咁，以後放學就可以去Playtown玩，
唔駛再餵蚊、亦唔駛再擦到成身 chemical啦～
本來一初信誓旦旦唔會買 Disney的 Annual Pass，
後尾貪買左，
到依家「迫於形勢」，又買埋一初死都話唔會買的 Playtown monthly pass，
呀．．．．．．笨媽我睇黎真係要對呢０的現代享樂屈服啦．．．．．
又輸左添．．．．
平日小笨放學後，都會去公園打下韆鞦玩下，當係做下運動咁，
典知上星期，個公園仔突然好多蚊喎，
第一次以為因為小笨食緊「珍寶珠」所以惹蚊啦，
但係第二次無食、仲貼曬蛟貼，都咬喎，
仲要係我同小笨都俾蚊追住咬，
隻可惡生物仲要咬正蚊貼左緊，
吹賬，即係擺明落我面０者！
我同小笨又衰，皮膚好敏感，
一被蚊咬就腫到豬頭咁，
兩日都玩左無五分鐘就落荒而途，
非常無癮之餘仲要每次都花三四日至消腫，
都咪話唔掃興兼狼狽！
夏天０岩０岩開始０乍喎，
無理由以後都無得去公園玩同做運動０架．．．
典算好呢？
結果笨媽我最終向Playtown屈服左，
買左 monthly pass 俾小笨，
咁，以後放學就可以去Playtown玩，
唔駛再餵蚊、亦唔駛再擦到成身 chemical啦～
本來一初信誓旦旦唔會買 Disney的 Annual Pass，
後尾貪買左，
到依家「迫於形勢」，又買埋一初死都話唔會買的 Playtown monthly pass，
呀．．．．．．笨媽我睇黎真係要對呢０的現代享樂屈服啦．．．．．
又輸左添．．．．
由出世開始已經係「更年期」的笨公公，
呢排又皮質醇持續高企，
早排開完笨媽後，呢排竟然開小笨。
果日食晚飯，小笨又囉囉唆唆，食得慢吞吞，
笨公公食完飯，離開飯桌時，向仍在龜速進食的小笨講：
「你好嘈呀！」
蜀不知小笨唔知死，不假思索就回覆一句：
「你好嘈呀！」
笨媽同笨婆婆嚇左一跳，對於小笨的自殺式攻擊感到十分震驚。
笨公公又話：「我怕左你呀，我走啦！」（邊講邊回睡房）
點知小笨不甘示弱，仲大聲過笨公公：
「我怕左你呀，我走啦！」但由於佢自己仲食緊飯，
於是佢又毫不遲疑加多句：「我食埋呢啖就走啦！」
笨媽同笨婆婆一邊好驚公公「著火」，一邊又覺得好好笑，
大家都唔敢出聲，一味拿住個飯碗扮食飯，一邊偷偷「震震震」咁笑。
好彩小笨仲細，笨公公可能亦都覺得佢好攪笑掛，
竟然無再丙小笨，就入左房啦！
呼，嚇死人咩！
之後笨媽都有細細聲教小笨唔可以駁咀，
不過每次笨媽自己諗返起件事，
尤其諗起小笨果句「我食埋呢啖就走啦！」，
就覺得好攪笑！
不過，小笨再大多幾歲，仲係咁駁咀，大家就應該笑唔出啦～
呢排，小笨唔知行咩衰運，
怎住受傷喎，
先係右手踭響平台跌到流血，
然後就右腳膝頭響烏溪沙公園跌到流血，
之後就放學撞新右邊額頭，
然後響屋企跌到左手手踭，
尋日去南丫島都被小桶仔割到左手，
全部夾埋都係兩星期內之嘛，
成盒藥水膠布俾佢一個人用曬～
真係，我都鄧佢覺得黑仔～
不過自從受傷後，小笨由第一次響平台流曬血，
到尋日割到手，已經「冷靜」左好多，
亦都識得分「重傷」同「輕傷」，
第一次受傷時喊到死，驚到死，即刻要返屋企，
尋日貼左膠布、包住毛巾，竟然肯繼續響沙灘玩，
真係叻左好多０架啦～～
果晚半夜小笨又發惡夢，驚到要去笨爸房訓，
於是三更半夜，笨爸又俾人嘈醒，
被迫搬去隔離房訓。
第二朝，笨媽問小笨：尋晚又發惡夢咩？點解要黎爸爸房訓？
小笨：係呀！
笨媽：夢見咩？？
小笨：夢見蛇蛇囉．．．
笨媽我都未來得切反應，做唔到小笨又加多句：
叫爸爸去隔離訓，嚇死爸爸～
哈，呢個衰女丫，佢明知笨爸最驚蛇蛇，
竟然咁無良心，爸爸同佢換房，佢仲想嚇死爸爸喎！
如果笨爸知道，一定好傷心，
你話，生個咁０既小笨，係咪情願生舊叉燒好過丫～！
尋晚小笨訓唔著，又試圖「搵野傾」：
小笨：哎呀，尋日老師叫我帶「的士」返學校分享，我唔記得左添！
笨媽（半信半疑）：係咩？老師上次叫你地帶「的士」咩？
小笨：係呀！
笨媽：好啦，咁聽日我地帶「的士」返學，問老師係咪要帶啦，你宜家快０的訓先啦～
（註：小笨講的「尋日」，多數係指「上次」或者「以前」）
今日返學，我地真係帶左部「的士」返去．．．
笨媽（半信半疑）：呀老師午安呀，係咪要帶「的士」分享．．．
老師（十分開心）：係呀，係帶車子呀～叻女喎，真係識得講喎～！
小笨當然十分洋洋得意，笨媽亦都頓時覺得小笨幾醒喎～～
睇黎，小笨「臨訓前」真係頭腦特別清醒０架～～
（又註：家長介紹時，學校都有提過，有時會「專登」唔出通告、唔話俾家長知，
淨係叫小朋友帶乜乜勿勿，試下個小朋友識唔識返去講，
估唔到小笨今次成功左喎～
不過，諗諗下，佢之前唔知「失敗」左幾多次呢？？？哈哈～～～）
好開心，終於還左個心願，
可以同小笨兩個去韓國玩左十日，
由3月2日玩到3月12日,
仲玩埋「雪雪」添,
實在太太太開心啦!!!
多謝大飯、飯母同小飯,
更加多謝天父爸爸!!!!!
過左農曆年，笨媽正式成為全職「賓媽」，
第一次去學校同埋０的菲律賓「姐姐」一齊等接放學，
感覺真係好攪笑！
