close
果日放學去公園仔玩，
諗住有蚊就即刻走。
越０岩唯一的韆鞦有兩個哥哥玩緊，
小笨等左好一陣，
笨媽唯有出手：
「哥哥，你地玩多一陣就到我地啦喎，好唔好？」
兩個哥哥（我估小四左右啦）好乖，
即刻落黎、仲走埋添，
（鬼咩，有亞媽出頭喎，仲唔驚！）
笨媽就同小笨講：
「你睇兩個哥哥幾乖，知你細個，讓你玩，你第日都要讓小朋友呀。」
小笨話：「我會讓小朋友，我第日K2就唔黎呢度玩０架啦！」
笨媽：「係咩？咁你第日去邊度玩、邊度做運動呀？」
小笨十分理所當然咁話：「Playtown囉，乜你唔知咩？！」
笨媽：「．．．．．」
全站熱搜
留言列表
