close
果晚半夜小笨又發惡夢，驚到要去笨爸房訓，
於是三更半夜，笨爸又俾人嘈醒，
被迫搬去隔離房訓。
第二朝，笨媽問小笨：尋晚又發惡夢咩？點解要黎爸爸房訓？
小笨：係呀！
笨媽：夢見咩？？
小笨：夢見蛇蛇囉．．．
笨媽我都未來得切反應，做唔到小笨又加多句：
叫爸爸去隔離訓，嚇死爸爸～
哈，呢個衰女丫，佢明知笨爸最驚蛇蛇，
竟然咁無良心，爸爸同佢換房，佢仲想嚇死爸爸喎！
如果笨爸知道，一定好傷心，
你話，生個咁０既小笨，係咪情願生舊叉燒好過丫～！
全站熱搜
留言列表
