close
尋晚小笨訓唔著，又試圖「搵野傾」：
小笨：哎呀，尋日老師叫我帶「的士」返學校分享，我唔記得左添！
笨媽（半信半疑）：係咩？老師上次叫你地帶「的士」咩？
小笨：係呀！
笨媽：好啦，咁聽日我地帶「的士」返學，問老師係咪要帶啦，你宜家快０的訓先啦～
（註：小笨講的「尋日」，多數係指「上次」或者「以前」）
今日返學，我地真係帶左部「的士」返去．．．
笨媽（半信半疑）：呀老師午安呀，係咪要帶「的士」分享．．．
老師（十分開心）：係呀，係帶車子呀～叻女喎，真係識得講喎～！
小笨當然十分洋洋得意，笨媽亦都頓時覺得小笨幾醒喎～～
睇黎，小笨「臨訓前」真係頭腦特別清醒０架～～
（又註：家長介紹時，學校都有提過，有時會「專登」唔出通告、唔話俾家長知，
淨係叫小朋友帶乜乜勿勿，試下個小朋友識唔識返去講，
估唔到小笨今次成功左喎～
不過，諗諗下，佢之前唔知「失敗」左幾多次呢？？？哈哈～～～）
全站熱搜
留言列表
