笨小孩之輕鬆記事

花左一個半月響British Council，
小笨英文終於有少少收穫啦！

今次唔止淨係識左上次講果兩個英文字咁大把啦，
而係親眼見佢竟然主動用英文同外籍老師講野！
（無錯，以前都好主動，不過係同外籍老師講廣東話，
個老師話「She keeps speaking to me in Cantonese…」）

果日放學的勞作係dragon wings，小笨一見到笨媽就著俾笨媽睇，
之後，竟然仲好開心咁走埋去大大聲同老師講：
「Miss Sonia, I can fly, do you see??」

雖然語法好似有０的怪，但係老師明佢講咩喎，
佢又好開心咁，講得好有信心添！

仲有一次，佢茶點的蝦條一出場就俾小朋友搶曬，
佢竟然識得同老師講「No more」，
老師就俾左塊餅乾佢食！
我問佢，你點識得講「No more」０既？
佢好理所當然咁答我：「係呀，因為茶點之前做手工，
小朋友枝膠水無曬，咁佢同老師講No more，
老師就換另一枝俾佢，之後我果枝膠水又無曬，我又話No more，咁囉～」

哈哈，真係好啦，笨媽暑假呢一萬蚊，都算係有少少回報，
小笨果十幾個鐘頭的眼淚，亦都總算無白流啦！