close
自從上次去韓國得到小飯的悉心栽培同教導，
小笨愛上左用洗手梘液吹泡泡，
叫親佢洗手就「借０的咦」孵響個洗手盆度玩吹泡泡，
為左減少洗手梘液的消耗，
笨媽只好每次只放三分一枝迷你梘液響洗手盆旁邊，
點知．．．．
今日去完街返屋企，循例叫小笨去洗手，
條友仔又「順便」玩吹泡泡，
笨媽入去「掃盪」時，當然係鬧鬼佢啦：
「死囉，你又玩曬我成枝梘液呀！」
勢估唔到，小笨唔出聲，以一副「沒好氣」的表情，隊枝梘液埋黎，
笨媽一睇，咦，點解枝梘液由三分一枝變左滿曬０既，唔通．．．＠＠！
笨媽：「咦．．．你幫媽媽裝滿左枝梘液呀？」
小笨一副「邀功樣」咁回答：「係呀，我乖唔乖呀？」
笨媽：「乖．．．乜咁乖呀今次．．．」
（註：小笨當然係用清水裝滿左枝梘液啦，即係話，枝梘液又報銷左．．．）
全站熱搜
留言列表
