close
返到香港同笨婆婆分享照片同見聞時，笨婆婆三番四次慨嘆：
「香港的細路精力無處發洩，想唔行差踏錯都唔得啦！」
又係喎，小笨買左部單車，但方圓三百里都無地方踩，得平台果一百呎可以踩下，
但韓國呢，至少小飯住果個屋苑，每座大廈樓下就係大公園，
任踩單車、in-line skate、scooter，咩都得，
香港，政府的公園又話唔俾踩呢０的，話危險，
咁好啦，馬騮架呢？蜘蛛網呢？鞦韆呢？咩都絕曬種，可能又係怕危險掛，
結果即使有公園仔，都只係得個 slide．．．
韓國就唔同，咩都有得你爬，商場、餐廳等周圍都有playroom，又有沙池，
小朋友大把地方發洩精力，鍛鍊身體，身心都健康好多。
你話，香港細路，想唔打機睇電視都唔得啦．．．
大少少，咪研究下電腦病毒、又或者界下手囉．．．．
小笨呢兩次響韓國，真係日日都「爬高爬低」，夠曬運動，
連響機場的候機大堂，都有playroom免費任玩，
問你服未～！
全站熱搜
留言列表
