笨小孩之輕鬆記事

尋日朝早小笨訓醒覺，
好開心咁話發夢自己養左三隻狗，
然後，佢突然諗到：「媽媽，你估我會唔會夢想成真呢？」
笨媽：「嗯，等你大個左，就可以養狗，到時咪夢想成真囉～」
小笨：「媽媽，可能０的狗仔依家呢左響出面（客廳）呢，不如你幫我出去睇下丫．．．」
笨媽：「嗯，我就估應該唔會啦．．．」
小笨（很堅持）：「唔該你丫．．唔該你丫．．幫我出去睇下丫．．．」
笨媽：「咁，一係我地一齊出去睇下啦，好唔好？」

於是，笨母女出左廳，
小笨周沙發底咁裝，
好希望自己可以夢想成真，
好希望夢中果三隻狗仔其實呢左響沙發底，
當然，結果係搵極都唔見啦．．．

小笨好失望好失望，
入返房，
扁住咀仔，一邊忍住眼淚，一邊話：「我真係．．．好想．．．可以．．．夢想成真．．」
講到後尾眼淚已經忍唔住幾乎滴出黎啦．．．

近來小笨多數係扭計或者受傷咁大喊，
好少見佢傷心咁喊，
仲要係強忍住淚水咁，
睇到笨媽都覺得佢好可憐咁，
幾傷心啊人家！

不過，現實係殘酷的，
小笨亦都要學習到，人生係有遺憾的，
加上，養寵物真係唔可以講玩，
所以，笨媽今次唔可以做「yes mom」啦～